O BCE acelera a retirada de estímulos e abre a porta a subir os tipos de xuro
O organismo anunciou que deixará de comprar débeda como moi tarde a finais deste mes de marzo
O FMI rebaixará a súa previsión de crecemento global para 2022
.png)
O Banco Central Europeo decidiu acelerar a retirada de estímulos á economía diante da evidencia de que a guerra en Ucraína traerá máis inflación á zona euro.
Despois de reunirse o seu consello directivo, o organismo anunciou que deixará de comprar débeda como moi tarde a finais deste mes de marzo.
O BCE non tocou os tipos de xuro, pero deixou a porta aberta a subilos nalgún momento despois de que remate de comprar débeda e a que esta suba será gradual.
O FMI rebaixará a súa previsión de crecemento global para 2022
A crise ucraína xa ten outra consecuencia económica, neste caso de ámbito mundial, ao anunciar o Fondo Monetario Internacional que en abril corrixirá á baixa as súa previsión de crecemento global para 2022.
A actual predición de crecemento mundial do FMI para este ano é do 4,4 %. Nun encontro virtual con xornalistas, a presidenta do organismo suxeriu tamén a posibilidade de que Rusia entre en bancarrota a causa das sancións económicas impostas pola maior parte da comunidade internacional.
