O Black Friday tamén chega a Renfe, con billetes do AVE desde os 7 euros
O Black Friday tamén chega a Renfe, con billetes do AVE desde os 7 euros
A oferta permite escoller diferentes destinos como Madrid, Valencia ou Andalucía
No caso de Galicia Renfe di que haberá descontos nalgunhas viaxes coa meseta, e queda excluído o Eixo Atlántico
Desde de hoxe, Renfe ofrece billetes desde os 7 euros nos Avlo, a súa marca low cost, e a partir dos 14 nos AVE entre Madrid, Valencia e o norte de España.
Polo momento, Galicia non goza das ofertas desta campaña promocional. Aínda que hai días en que os prezos baixan entre os 20 e os 30 euros no traxecto ata Madrid, os billetes están lonxe dos 14 euros que anuncia Renfe para o seu Black Friday.
Tampouco hai billetes promocionais nos trens de media distancia en Galicia, por exemplo no traxecto entre Vigo e A Coruña a partir do oito de xaneiro, a data en que comeza a aplicarse a promoción, mantéñense os prezos habituais.
Segundo Renfe, Galicia gozará de descontos nalgunhas viaxes e horarios determinados. Os billetes coas ofertas poden comprarse ata o próximo 1 de decembro.
