Os usuarios do tren reclaman que se desbloquee a venda de billetes para as datas do Nadal
Os usuarios do tren reclaman que se desbloquee a venda de billetes para as datas do Nadal
Renfe mantén bloqueada a venda de billetes na súa páxina web para a segunda quincena de decembro das viaxes en tren de media e longa distancia
Destacan que, canto máis tarde, o aumento da demanda no Nadal pode provocar colapsos na plataforma e prezos máis caros
En outubro, Renfe abriu a venda de billetes ata o 13 de decembro. Pero, de aí en diante é imposible, por agora, conseguir unha pasaxe, o que dificulta planificar os desprazamentos de cara ao Nadal.
"Moi mal porque todo o mundo ten dereito a organizar a súa vida".
"Debería haber máis posibilidades de collelos antes, porque tamén inflúe no prezo", din unhas usuarias.
Os usuarios habituais do tren, uns 80.000 en Galicia, viven con inquedanza esta situación, e reclaman que se desbloquee a venda de billetes.
"Pedimos que se desbloqueen os billetes de tren de media e longa distancia para planificar as nosas vidas e o Nadal. Nun momento en que a mobilidade dos galegos é moi alta, para organizar o traballo porque hai festivos entre semana e non só é gozar do Nadal senón que hai que traballar", asevera Alejandro González Tesouro, membro da plataforma de usuarios Perder o Tren.
Destacan que o ano pasado a venda comezou antes e que, canto máis preto do Nadal, o aumento da demanda pode provocar colapsos na plataforma e prezos máis caros.
