Imposible mercar billetes de tren entre Galicia e Madrid para o Nadal

Complicada a conexión con Madrid de cara ao Nadal. Os galegos que queiran mercar billete para ir á capital de España terán que agardar.  A aplicación non permite compralos máis aló do 15 de decembro. Algo que si se pode no caso doutras comunidades, onde están dispoñibles ata marzo.

Xa ocorrera o mesmo coas reservas de asentos para novembro. Os usuarios piden que se desbloqueen para poder organizarse. Temen que, canto máis tarde en activarse a venda, maiores serán os prezos.