Brasil baila a Corea e reforza a súa condición de favorita
Brasil baila a Corea e reforza a súa condición de favorita
Sentenciou o partido nun primeiro tempo primoroso que rematou con 4-0
Francia, Inglaterra... Este Mundial ten moitas candidatas, pero unha sempre emerxe por riba de todas: Brasil. Os pentacampións van con forza á procura do sexto trofeo e comezaron as roldas eliminatorias dun xeito asoballador.
O primeiro tempo diante de Corea do Sur é a mostra palpable da fantasía que posúe a selección brasileira. Volveu Neymar e ao seu redor brillaron Paquetá, Vinicius ou Richarlison. O xogador do Real Madrid foi o encargado de abrir o camiño da vitoria.
¡Brasil baila al ritmo de @vinijr! 🕺
— Gol Mundial (@Gol) December 5, 2022
✈️ Contenido patrocinado por @emirates #flybetter#GolMundial pic.twitter.com/vR7VP14tEs
Despois chegou o penalti transformado por Neymar, a xogada de debuxos animados que acabou co gol de Richarlison e o cuarto tanto de Lucas Paquetá. Todo nos mellores 45 minutos dunha selección neste torneo.
El baile de Lucas Paquetá se suma a la fiesta brasileña 🔥
— Gol Mundial (@Gol) December 5, 2022
🚀 ¡Jugadón de Vini y volea al fondo de la red!
✈️ Contenido patrocinado por @emirates #flybetter#GolMundial pic.twitter.com/dYndKWbVHU
No segundo tempo o equipo de Tite non quixo afondar na ferida dunha Corea que buscou, cando menos, o gol da honra. Acadouno no minuto 76 cun lanzamento desde fóra da área de Paik Seung Ho. Sobrou a segunda metade porque na retina dos seareiros quedará durante moito tempo a lección de fútbol que deu Brasil na primeira parte.
