O cambio de xogadores tampouco reactiva o Bergantiños

O Bergantiños mudou dun xeito radical a faciana nos últimos días do mercado de fichaxes, pero o equipo carece de capacidade de reacción. Perdeu no campo do Avilés (1-0) e continúa complicando a súa situación co descenso á Terceira Federación cada vez máis preto. 

Malia os trocos, Durán só sacou a Cobo e a Josiño Filgueira no equipo titular, con Julen, Vesprini ou Sito Seoane agardando a oportunidade desde o banco. O partido, dominado polo equipo local, decidiuse cun gol de Mayorga no minuto 70 ao rematar, case sen querer, un córner. 

Quinta derrota consecutiva para o Bergantiños. O Avilés, pola contra, suma a terceira vitoria seguida e mantense na pelexa polo ascenso.