O Cangas gaña un partido vital para escapar do descenso directo

O Cangas Frigoríficos do Morrazo logrou un triunfo vital para evitar o descenso directo. Chegaba á cita diante do Blendio Sinfín con tres puntos de marxe sobre o penúltimo clasificado e co risto de que se lle achegase a un só punto. Pola contra, no caso de acadar a vitoria íase ata os cinco puntos de marxe e afastaba dun xeito case total o risco de descenso. 

Xogaron un partido moi serio os de Nacho Moyano. Colleitaron unha vantaxe de catro goles (6-10) e aguantaron un bo treito final do primeiro tempo dos locais para ir ao descanso dous arriba (12-14). 

Quedaba moito traballo por facer e o Sinfín achegouse a un só gol (16-17) pero un parcial de 1-6 rachou definitivamente o encontro. Santi López achegou seis tantos como máximo goleador do partido.