O Cangas suma a quinta vitoria consecutiva e achégase á permanencia

O Cangas está a protagonizar un remate de temporada espectacular, que lle está a permitir soñar con salvar a categoría sen ter que pasar polo play out.  Acadou un novo triunfo, o quinto consecutivo, que o achega á salvación e levou a tolemia ao Gatañal.

Con espectadores de luxo. Iago Aspas no palco, Iván Villar e Kevin na bancada. Os do Morrazo superaron o Puerto Sagunto 35-29 e suman a sexta xornada consecutiva sen perder. Seguen no posto de play out pero empatados a puntos co Cuenca a falta de catro partidos para rematar a ASOBAL.