O Celta B esperta moi tarde e perde en Balaídos

O Celta B, que viña de gañar po 0-7 no campo do San Sebastián de los Reyes, perdeu diante do Real Unión (0-2) nun Balaídos que non lle deu sorte ao equipo de Onésimo Sánchez. 

O equipo vasco aproveitou os erros defensivos celestes para marcar na primeira metade. Cando só ían oito minutos Carlos Bravo rematou de cabeza liberado de marcaxe e na área pequena para anotar o primeiro gol do partido. 

Lautaro tivo a gran oportunidade para empatar o partido pero desaproveitouna, algo que non fixo Capelete (m34) para poñer o 0-2 nun fallo de consideración do eixo central defensivo do Celta B. 

Na segunda parte o equipo vigués tentouno pero non foi ata o últimos minutos cando xerou verdadeiro perigo. Javi Gómez recurtou diferenzas no 87' e no tempo engadido un espectacular remate do porteiro Ruly García estrelouse contra a escadra.