O Celta Fortuna quere seguir arriba mentres Arenteiro e Lugo buscan o 'playoff'

Na persecución do líder, outros catro equipos loitan polo ascenso directo. Entre eles, un Celta Fortuna que visita esta tarde ao Tarazona e que con Fredi no banco, continúa mantendo a máxima ilusión, sen esquecer as características propias dun equipo filial.

Algo moi bonito é o que está o vivir o Arenteiro. Os de Javi Rey reciben o domingo ás sete no Espiñedo a Real Sociedade B. Verémolo na nosa segunda canle. Os do Carballiño, que veñen de gañar en Sabadell, son os sétimos clasificados, co obxectivo principal case conseguido e cunha recta final de liga máis que ilusionante.

Xusto detrás do Arenteiro está o Lugo, que tamén quere aproveitar o subidón de moral logo da espectacular remontada ante o Sestao River. Visita, tamén na tarde dominical, á Cultural Leonesa. Roberto Trashorras vai implementando partido a partido a súa idea de xogo.

A nove xornadas para o final, cada partido vale ouro nesta Primeira Federación.