A reacción do Lugo permítelle sacar un punto no Johan Cruyff (1-1)

O Lugo sacou un bo empate do Johan Cruyff dando a cara e merecendo mellor sorte na segunda metade (1-1). No primeiro tempo o dominio foi do equipo local, que conseguiu marcar grazas ao tanto de Unai Hernández. Lolo Escobar meteu trocos no descanso e o conxunto lugués mudou a faciana. Xerou moitas oportunidades na portería do filial do Barcelona e froito dese dominio chegou o gol de Vaquero, que rematou á saída dun córner.