O Celta na procura do segundo triunfo consecutivo

O Celta retoma mañá a competición ligueira, nunha semana festiva polos actos de aniversario da Cidade Deportiva de Mos.

Esta mañá, Carlos Mouriño encabezaba xunto ao gran capitán Manolo e unha familiar da abonada número un, un acto de plantación de árbores autóctonas no recinto.

Mañá é a quenda dos futbolistas, que intentarán prolongar tamén a festa, sumando a segunda vitoria ligueira consecutiva logo de traer os tres puntos de Mendizorroza.

E como chega o Valencia de Bordalás a Balaídos? Pois con tres puntos máis co equipo vigués, ou o que é o mesmo, a tiro na clasificación. Por iso o técnico, que gabou ao Celta na previa, xa se refire ao choque como unha auténtica final.