O Compostela estrélase contra os paus e empata co Bergantiños
O Compostela estrélase contra os paus e empata co Bergantiños
Sen goles no Vero Boquete despois dunha primeira parte en que o equipo local estragou moitas ocasións
Empate sen goles entre o Compostela e o Bergantiños que non lle serve a ningún dos dous equipos. O Compos esquécese da opción de ascenso directo e terá que pelexar duro por entrar na fase de ascenso. O Bergantiños mantense moi lonxe do posto de play out.
Os de Fabiano estreláronse contra os postes nun primeiro tempo en que xeraron moitas opcións de gol. Mario e Jorge Cano remataron ao ferro e Santi Canedo fixo unha das paradas da xornada nun lanzamento de Pablo Antas desde fóra da área.
Na segunda metade o Bergantiños controlou moito mellor o partido, non sufriu tanto en defensa e gozou das mellores opcións, pero o empate inicial non se moveu.
