O Coruxo remonta con dous goles no engadido (1-2)

O Coruxo remontou con dous goles no engadido no campo do Llanera e levou unha vitoria coa que poucos contaban no minuto 90. Todos os tantos chegaron no segundo tempo. Cristian adiantou aos locais ao pouco de principiar a segunda parte.

O Coruxo buscou a igualada no pequeno campo asturiano pero parecían ter a sorte de costas. Cando menos ata o minuto 92 cando Álex Rey marcou despois dunha xogada con dous remates anteriores ao traveseiro. E no 94 Serrano sorprendía cun remate desde o centro do campo para darlle o segundo triunfo aos do Vao.