O Coruxo tira proveito da súa efectividade nos lanzamentos de córner

O Coruxo gañou ante o Polvorín (3-1) e mantense fóra dos postos de descenso. O resultado non alivia os apertos clasificatorios porque todos os rivais directos conseguiron gañar os seus partidos. 

A vitoria fundamentouse nos lanzamentos de córner. Os tres goles chegaron desde o recanto, dous deles marcados por Andriu (25' e 83') e Youssef Al Watani (59'). O Polvorín, malia o descenso consumado, pelexou ata o final do encontro, recortou diferenzas cun gol de Edu Taboada (69') e meteulle o medo no corpo ao equipo local.