O Deportivo Abanca busca ante o Betis o pase a cuartos de final da Copa
O Deportivo Abanca busca ante o Betis o pase a cuartos de final da Copa
Irene Ferreras ten a todo o seu cadro á súa disposición e incluíu ademais as canteirás Paula Monteagudo e Carmen Carballada na citación
O Dépor ABANCA e o Real Betis Féminas xóganse este martes 5 de novembro ás 20:00 horas en Abegondo, a partido único, o pase aos oitavos de final da Copa.
As Nosas chegan a esta terceira rolda copeira en 13ª posición da Liga F pero cun partido menos xogado debido á suspensión do encontro do pasado sábado no Estadio Antonio Puchades ante a Valencia CF Féminas a consecuencia da catástrofe provocada pola DINA no Levante.
Nas dúas eliminatorias anteriores as brancas e azuis superaron dous equipos de Segunda Federación: o Atlético Vilalonga FF (0-1) e o Sporting de Xixón (0-6).
Irene Ferreras ten a todo o seu cadro á súa disposición e incluíu ademais ás canteirás Paula Monteagudo e Carmen Carballada na citación.
A preparadora branca e azul admite que "hai unha diferenza entre a primeira e segunda rolda de Copa nas que tiñamos esa obrigación de pasar. Esta terceira rolda na que temos un rival de moita entidade é un partido de Primeira División".
Advirte de que "imos ter que esixirnos ao máximo para pasar".
