O Deportivo Abanca remonta sobre a bucina na estrea ligueira

Comezou a liga na Primeira Federación Feminina, unha competición allea á folga de xogadoras que afecta á primeira división. E comezou con triunfo do Deportivo Abanca, vitoria agónica das xogadoras que adestra Irene Ferreras, que se viron superadas polo Europa durante moitos minutos.

Patricia Mascaró marcou para as barcelonesas ao inicio do segundo tempo. A remonta chegou contra o final e en tan só dous minutos. No 86 marcou a central Raquel García. E no 87 a asturiana Laurina anticipouse á porteira do Europa para darlle a vitoria ao conxunto deportivista nesta estrea ligueira.