O Deportivo asalta o liderado contra o Badaxoz (17 h, G2 e G24)

O Deportivo ten unha boa oportunidade esta tarde de culminar a súa remonta. Sería en Riazor e contra o Badaxoz.

Os coruñeses chegan ao choque motivados pola súa melloría como visitantes logo de gañarlle ao Talavera por un a cero. O partido poderán seguilo en directo pola G2 ás cinco da tarde. Óscar Cano aplaude a mellora dos seus futbolistas: "Non me estaba a gustar o que estabamos vendo, e iso que gañamos moitos partidos. Pero agora vese un equipo máis compacto, que dá a sensación de que pode gañar en calquera momento. E tamén que vai ser difícil crearnos ocasións, o que é moi importante para un adestrador".