O Ensino resolve no último cuarto e continúa a súa escalada
O Ensino resolve no último cuarto e continúa a súa escalada
Vitoria por 70–60 diante de Estudiantes nun encontro decidido grazas a un 24–12 no derradeiro parcial
O Durán Maquinaria Ensino sumou a novena vitoria da temporada e mete tres de vantaxe sobre o descenso grazas ao triunfo ante o Estudiantes (70–60).
Foi un partido moi igualado resolto para as lucenses no último cuarto. Durante moitos minutos as madrileñas foron por diante no marcador, aínda que nunca deron roto o partido. Ao descanso, o resultado era de 28–32. No terceiro cuarto mantivéronse as alternativas, co Estudiantes acabando por diante con só dous puntos de vantaxe (46–48).
A 7 minutos para o final gañaban as visitantes por 52–53. Un parcial de 12–2 deixou a Ensino cun 64–55 con só dous minutos por xogarse. Gran partido colectivo do Ensino, coas nove xogadoras que entraron na rotación achegando puntos. Van den Adel, con 14, foi a máxima anotadora.
