O fútbol mundial despide o lendario Luis Suárez

Último adeus hoxe para Luis Suárez na cidade de Milán. O funeral da lenda do fútbol español tivo lugar na igrexa de San Xosé de Calasanz, no barrio milanés de San Siro.

A dar a última despedida ao futbolista coruñés acudiron Emilio Butragueño e Rafa Yuste, en representación do Real Madrid e do Barcelona, e tamén o expresidente do Inter Massimo Moratti. Numerosos afeccionados, familia e amigos despediron con emoción e aplausos o gañador do Balón de Ouro en 1960.