O Goberno convocará os supermercados para analizar os prezos dos alimentos
O Goberno convocará os supermercados para analizar os prezos dos alimentos
O Goberno insiste en que xa se notan os efectos da baixada do IVE dalgúns alimentos
Os carburantes, o téxtil e a alimentación elevan os prezos en xaneiro un 5,9 %
"Está baixando o prezo dos alimentos e tamén a interanual da inflación". De portas para fóra, o Goberno insiste en que a inflación comeza a controlarse. Díxoo o presidente do Goberno esta mañá na sesión de control no Congreso e reiterouno minutos despois a vicepresidenta económica, Nadia Calviño.
Pero, de portas para dentro, hai preocupación. E o Executivo move ficha. Convoca os supermercados para analizar que pasa cos prezos. A rebaixa selectiva do IVE non está a ser dabondo para controlar a suba.
Os datos que se coñecen hoxe reflicten que o prezo dos alimentos segue disparado por riba do 15 por cento. A cesta da compra afectada pola redución do IVE si baixou, pero o resto seguiu subindo.
Encareceu o arroz un 3,7 por cento, pero tamén a carne e o peixe fresco. A ministra Calviño defende que as medidas xa están a dar os seus froitos. Desde o PP aféanlle que viva fóra da realidade e lémbranlle "que os prezos seguen sen control coma seu Goberno que xa é un problema para España".
Diante desta escalada, as patronais do sector da distribución estudan pedirlle ao Goberno que amplíe o catálogo de alimentos con IVE rebaixado. Sobre todo na carne e no peixe.
Nos despachos dos directivos saltaron as alarmas. Mércase un 11 por cento menos de produto e o gasto comeza a moderarse.
Pero no Goberno hai sensibilidades diferentes. En Podemos piden limitar o prezo dunha cesta da compra básica. Algo ao que os socialistas se negan.
