O Goberno di que cumprirá o pactado con ERC tras a ameaza de poñer fin á lexislatura
O Goberno di que cumprirá o pactado con ERC tras a ameaza de poñer fin á lexislatura
Os independentistas responden ás declaracións de Montero negando que exista un concerto económico para Cataluña
As declaracións da vicepresidenta do Goberno, en que negaba que se pactase un concerto económico como o de Euskadi ou Navarrra para Cataluña, volven reabrir o debate sobre o novo financiamento pactado con ERC.
Esquerra Republicana responde. Di que se trata dunha cuestión semántica e lémbralle ao Goberno que ten que cumprir co pactado. De non ser así ameaza con poñerlle fin á lexislatura. "Se o PSOE non cumpre a súa palabra non apoiaremos o Goberno e Pedro Sánchez deberá convocar eleccións", responde Raquel Sans, de ERC.
O Goberno asegura que cumprirá co pactado: "Somos un Goberno que cumpre os acordos sobre toda cando benefician aos cidadáns de Cataluña e do resto de España", dixo a ministra de Igualdade, Ana Redondo.
Desde Junts acusan a Esquerra e o PSOE de conformar un Goberno para Cataluña desde o engano. E piden explicacións. "Se o PSOE non cumpre a súa palabra non apoiaremos o Goberno e Pedro Sánchez deberá convocar eleccións", asegura a voceira de Junts no Congreso, Miriam Nogueras.
Para os populares todo responde a unha política da confusión. Din que as palabras da vicepresidenta só buscan negar a evidencia que é a compra dunha investidura coa igualdade de todos os españois. "Xogan á cerimonia da confusión ante o que é un expolio da igualdade dos españois entregando a chave da caixa aos independentistas para que poidan seguir no seu proxecto de independencia fiscal", di Cuca Gamarra.
A secretaria xeral do PP avanza que defenderán desde todas as frontes a igualdade dos españois.
