O Guardés precisa a fazaña de remontar 11 goles diante do Besançon

O Mecalia Guardés perdeu na segunda rolda da EHF na pista do potente Besançon. O equipo francés gañou por 11 goles de diferenza (34-23), diferenza moi complicada de enxugar no partido de volta que se xogará na Sangriña o vindeiro domingo (19:00 horas, G2). 

Desde o comezo do partido viuse a agresividade do equipo francés que pronto marcou diferenzas de 5 goles (10-5). Ao descanso o Guardés estaba -6 (18-12) pero con opcións na eliminatoria.

No segundo tempo a vantaxe local non fixo máis que aumentar ata unha máxima de trece goles (31-18) que acabou deixando o cadro galego nos once finais.