O Lugo continúa a escalada grazas a unha cabezada de Ledesma no engadido (1-2)

O Lugo segue a escalada na Primeira Federación. Gañou por terceira xornada seguida no campo do Raio Majadahonda grazas a un gol de Willy Ledesma no engadido (1-2). 

A primeira oportunidade foi de Antoñín Cortés, a máis clara do primeiro tempo. Houbo moitas imprecisións nese tempo inicial que non axudaron a xerar ocasións en ningunha das dúas porterías. 

No segundo tempo foi Ojeda o que tivo a opción e na segunda de Antoñín Cortés xa non perdoou. O Majadahonda reaccionou e empatou cun tanto de Marcus Anderson a un cuarto de hora do final. No tempo engadido, e á saída dun córner, o Lugo aproveitou para marcar o gol da vitoria. Willy Ledesma foi o máis intelixente na área e comeza a rendibilizar con goles a súa fichaxe.