O Lugo pon vontade, pero segue sen acadar vitorias (0-0)
O Lugo pon vontade, pero segue sen acadar vitorias (0-0)
Amosou unha versión máis ambiciosa no partido de rivalidade diante da Ponferradina
Xa son trece as xornadas que leva o Lugo sen celebrar un triunfo. Empatou (0-0) diante da Ponferradina nun partido en que amosou máis ambición ofensiva, pero non lle chegou para conseguir ningún gol.
O partido puido cambiar si Sebas Moyano acerta nunha ocasión clara no minuto 4. A Ponferradina tamén se xogaba saír dos postos de perigo e iso notouse na cantidade de seareiros que se achegaron a acompañalos. Espiau rematou de cabeza rozando o pau, xusto antes de que o local Baena gozase doutra boa oportunidade no 29.
No segundo tempo saíron os dous equipos á procura do gol. Vallejo tívoa a prol da Ponferradina e Sebas Moyano respostou rematando un centro de Loureiro. Conforme pasaban os minutos os dous equipos ían baixando no seu rendemento. Lacerda e Naim ameazaron para os visitantes de Cuéllar tivo a mellor do Lugo no treito final.
