O lume volve ao Courel cinco días despois de extinguirse o que arrasou 11.000 hectáreas
O lume volve ao Courel cinco días despois de extinguirse o que arrasou 11.000 hectáreas
Comezou en San Pedro do Incio e leva queimadas sete hectáreas
Declaran extinguido este martes o incendio da Cañiza
Pasadas as cinco da tarde deste martes declarouse un incendio forestal no Courel. Comezou na parroquia de San Pedro do Incio e dúas horas despois levaba queimadas unhas sete hectáreas, segundo a Consellería do Medio Rural.
Está ardendo unha zona limítrofe coa do grande incendio que comezou durante a primeira vaga de calor de xullo e que se dera por extinguido hai só cinco días tras arrasar 11.000 hectáreas de tres concellos da serra.
A boa noticia chegou desde Castrelo do Miño e A Cañiza, onde quedaron extinguidos os incendios forestais.
A Xunta daba esta noite por estabilizado o que arrasou máis de 400 hectáreas no municipio pontevedrés de Arbo, en Mourentán. Tamén na provincia de Pontevedra segue baixo control o de Ponteareas.
