O Messi máis reflexivo: "Conseguilo todo con Arxentina é o peche dunha gran carreira"

Coincidindo co seu 36 aniversario, saiu á luz a última entrevista de Messi en París. Unha conversa en que o dianteiro arxentino repasa o gran éxito deportivo da súa carreira: o Mundial de Qatar.

Quedan apenas uns días para que Leo Messi lle poña punto e final á estadía de dous anos en París. O sete veces gañador do Balón de Ouro recoñece que a adaptación ao club foi complicada pero asegura que os seus obxectivos en Francia non mudaron tras lograr o campionato do mundo.

A partir do 30 de xuño, Messi será xogador do Inter de Miami.