O novo regulamento municipal de Pontevedra multa con ata 3000 euros actitudes incívicas nas rúas
O novo regulamento municipal de Pontevedra multa con ata 3000 euros actitudes incívicas nas rúas
Atentar contra elementos da zona histórica, tirar cabichas ao chan, non recoller excrementos dos cans ou lavar coches na rúa, entre as actitudes sancionables
Pontevedra estrea nova normativa que endurece as multas contra as actitudes incívicas nas rúas. A contía das sancións pode acadar os tres mil euros.
Unha sanción leve hoxe en Pontevedra acarrea unha multa de ata 750 euros. Pode ser por arrastrar unha bolsa de lixo sobre a beirarúa, desprazar un colector ou deixar ao seu carón, fóra do contedor, obxectos ou bolsas para guindar.
No treito das multas graves, entre 750 euros e 1500 euros a pagar están actitudes como tirar cabichas ao chan, lavar un coche na rúa, non depositar os residuos no colector de lixo adecuado ou non recoller os excrementos das mascotas.
O novo regulamento recolle como sancións moi graves, ata 3000 euros a pagar, atentar contra o casco histórico, o mobiliario urbán ou as áreas protexidas. O concello de Pontevedra quere extender a cultura da reciclaxe, esixencia da UE e da lei de residuos do 2022.
