O Porriño métese na aristocracia europea
O Porriño métese na aristocracia europea
Clasificouse para os cuartos de final da EHF European Cup na súa primeira participación
Gañoulle con moita claridade os dous partidos ao Atzgersdorf
O Conservas Orbe Zendal Porriño xa está entre os oito equipos que se van xogar o título da EHF European Cup. Na súa primeira participación europea segue a facer historia o conxunto porriñés. Gañoulle os dous partidos ao Atzgersdorf austríaco con moita solvencia. A eliminatoria estaba sentenciada do partido de ida e na volta volveu gañar por dez goles de diferenza (28-18).
Agora agardará ao sorteo para saber cal é o rival que lle toca en sorte. Os outros equipos da Liga Iberdrola quedaron eliminados. Haberá dous representantes do balonmán islandés (Valur e Haukar), dous equipos checos (Slavia Praga e Hazena Kynzvart), un grego (Ionias), un polaco (Urbis Gniezno) e un eslovaco (MSK Michalovce).
