Cargando resultados...
O porto da Coruña acolle este venres o simulacro dun ataque terrorista a un cruceiro
O porto da Coruña acolle este venres o simulacro dun ataque terrorista a un cruceiro
Haberá mobilización de medios por terra, mar e aire desde primeira hora
Imaxe de arquivo
G24.gal
02/05/2024 16:57
As instalacións do porto da Coruña acollen este venres un simulacro dun ataque terrorista a un cruceiro.
O exercicio Marsec-24, organizado pola Armada unha vez ao ano, busca a colaboración entre os distintos organismos e axencias do ámbito marítimo, civil e militar.
Este venres, dirixidos pola Policía Nacional, estarán tamén a Armada, Salvamento Marítimo, a Policía Local, Capitanía Marítima, o 061, o 112 e a Autoridade Portuaria da Coruña.
Simularase un incidente terrorista a bordo dun cruceiro, polo que haberá mobilización de medios por terra, mar e aire desde primeira hora, informan fontes da organización.
