O prezo do leite en orixe leva cinco meses de baixada
O prezo do leite en orixe leva cinco meses de baixada
As granxas de tamaño medio cobran 300 euros menos por día respecto a xaneiro
Os gandeiros ven inxustificada a redución e reclaman negociacións
Concentrados, palla, combustible... os custos de produción das granxas non deixan de subir e os prezos do leite non deixan de baixar. Nalgúns casos xa se cobran dez céntimos menos por litro respecto do que se cobraba en xaneiro. A viabilidade das explotacións volve estar en risco e a escaseza de forraxes agrava a situación.
As industrias levan cinco meses baixando os prezos e nos contratos que se van renovar en novembro xa figuran cantidades por baixo dos 50 céntimos/litro por vez primeira no ano. Os gandeiros ven inxustificada a baixada porque o prezo dos lácteos nos lineais segue subindo.
Os gandeiros reclaman un estudo que recolla os custos reais de produción e uns prezos axeitados.
