O Real Oviedo cede a Álex Cardero ao Arenteiro

O Real Oviedo acordou este mércores co C. D. Arenteiro a cesión de Álex Cardero, canteirán do equipo asturiano e que tan só disputou 14 minutos no que vai de primeira volta en Segunda División, ao conxunto galego que compite en Primeira Federación.

O mediapunta ovetense, de 20 anos e con contrato ata 2026, foi o protagonista da última xornada da primeira volta ao marcar o gol do empate do Oviedo ante o Vilarreal B no tempo de desconto.

Nesta primeira volta, Álex Cardero tan só participou en tres partidos de liga -acumulando 14 minutos en total- e foi titular nas dúas eliminatorias de Copa disputadas polo Real Oviedo ante Manresa e Castelló.