O rei inaugura a exposición 'Os Machado. Retrato de familia'

O rei Filipe VI inaugurou este luns en Sevilla a exposición 'Os Machado. Retrato de Familia'. Durante a visita, o monarca estivo acompañado por Alfonso Guerra, un dos comisarios da exposición.

O exvicepresidente do Goberno explicou que queren acabar así co tópico de que Antonio e Manuel Machado representaron as dúas Españas. Son en total máis de 200 pezas entre manuscritos, libros, proxectos persoais ou fotos da vida dos dous poetas.