O TAD propón unha inhabilitación de seis anos para Pedro Rocha
O TAD propón unha inhabilitación de seis anos para Pedro Rocha
Considera que cometeu tres faltas "moi graves" no período de presidente da Comisión Xestora
O Tribunal Administrativo do Deporte (TAD) ditou este venres unha proposta de resolución que inhabilita ao presidente da Federación Española de Fútbol, Pedro Rocha, por seis anos para ocupar cargos en calquera federación deportiva ao cometer faltas moi graves -segundo a consideración do Tribunal- durante o seu período de presidente da Comisión Xestora logo da marcha de Luis Rubiales.
Entre os feitos referidos atópase o cesamento do exsecretario xeral da RFEF Andreu Camps, a rescisión do contrato co despacho de avogados de Tomás González Cueto, asesor xurídico de Rubiales, e persoarse a RFEF como acusación particular no Xulgado de Primeira Instancia e Instrución número 4 de Majadahonda. O TAD propón dous anos por cada un destes tres feitos.
Segundo a resolución o TAD deixa sen sanción ao resto da Xunta Xestora. Concede a Rocha un prazo de dez días para proceder ao exame do expediente, formular alegacións e presentar documentos e informacións que estime pertinentes. A resolución chega xusto despois do España-Italia onde o presidente da RFEF ocupou a representación no palco a carón de Filipe VI.
