Obradoiro e COB xa coñecen o seu calendario
Obradoiro e COB xa coñecen o seu calendario
Os santiagueses abren o curso baloncestístico en Madrid contra o Estudiantes
O ano I de Moncho López en Ourense comeza no Paco Paz ante o Cartaxena
Un derbi como agasallo polo Nadal
Fonte: COB
Aínda restan dous meses para o comezo da competición, pero os representantes galegos na nova Primeira FEB xa coñecen os seus rivais.
O Obradoiro inicia o seu camiño de retorno á ACB en Madrid. Un comezo difícil para os picheleiros, que se enfrontarán a un dos favoritos ao ascenso, o Movistar Estudiantes. O Fontes do Sar será o escenario onde o equipo santiagués peche a tempada. A Caldeira recibirá o Hestia Menorca na última xornada da fase regular.
Pola súa parte, Moncho López iniciará a súa andadura como técnico do COB ante o Odilo F. C. Cartaxena C. B. Os murcianos ascenderon a esta categoría a tempada pasada e acudirán ao Paco Paz na primeira cita do ano. Tamén en Ourense rematará o COB a campaña, contra un rival que parece que estará na loita polo ascenso: San Pablo Burgos.
O derbi entre os dous equipos galegos terá lugar o 29 de decembro. Un bo agasallo para os seareiros galegos deste deporte. Será o Obradoiro quen reciba ao Ourense.
O calendario completo da Primeira FEB
