Os adultos tamén se ilusionan e gozan do día de Reis
Os adultos tamén se ilusionan e gozan do día de Reis
O de hoxe é un día cargado de nostalxia, no que un volve sentirse neno
Unha tradición que ninguén quere perder e que se mantén viva de xeración en xeración
Hai quen esta mañá xa ía de estrea.
"Trouxéronme un xersei e un pantalón", di unha muller, e outro home comenta: "Esta camiseta do Breogán".
Porque non só os pequenos viven este día con ilusión.
"Eu aínda teño ilusión, máis por estar coa familia que polos agasallos", conta unha moza, e un home engade: "Teño ilusión por xuntarme coa familia".
Ilusión por xuntarse e por volver ser neno.
"Eses recordos sempre volven", cre un home e outro asegura que "a ilusión é ver que os rapaces teñen ilusión".
Hai quen recibiu todo o que pediu e quen esperaba un pouco máis.
"Trouxeron moitas cousas", di un home, e outro asegura que lle trouxeron "todo o que pedín e máis".
"Algún detalle, pero agradécese máis o sobre", explica unha moza.
E hai quen non esperaba nada, pero algo sempre cae, esa é a maxia.
"Eu fun malo, trouxéronme poucas cousas", asegura un home.
"A min sempre me gustou moito o día de Reis", di un home.
Por iso o importante é, como di unha muller, seguir coa tradición e que non se perda. Feliz día de Reis.
