Os avogados da quenda de oficio reclaman un traballo digno

Os avogados da quenda de oficio continúan as súas protestas. Levan en folga indefinida dende novembro para reclamar un traballo digno.

Aseguran que a día de hoxe lles custa cartos traballar, e que son eles e non o Goberno os que sosteñen a xustiza gratuíta. Queren entrar a formar parte do réxime especial de traballadores autónomos sen perder o que teñen cotizado coas mutuas.

E tamén piden que lles paguen as gardas, os desprazamentos, e ter dereito a baixas e á conciliación familiar.