Os Feroz de cine premian a Luís Zahera e "As Bestas", rodada en galego

Os premios Feroz de cine entregáronse na noite do sábado en Zaragoza con dúas vencedoras claras: As Bestas, de Rodrigo Sorogoyen, e Cinco lobitos, de Alauda Ruiz de Azúa. Cada unha acadou tres estatuíñas. 

As bestas, rodada no Bierzo e inspirada nun suceso real ocorrido nunha aldea de Ourense, levou o premio á mellor película. Tamén tivo recoñecemento nos apartados da mellor banda sonora orixinal e do mellor actor de reparto, que foi para o galego Luís Zahera.

O momento máis emotivo da gala protagonizouno o cineasta Pedro Almodóvar. Visiblemente conmovido, recolleu o premio de honra rodeado no escenario de varias das súas actrices.