Pedro Sánchez sostén que os partidos de dereita apostan polos discursos de odio dos ultras

Pedro Sánchez afirmaba este sábado en Marrocos que a dereita está a "comprar o discurso do odio" da extrema dereita. Facíao en Rabat no cumio da Internacional Socialista, que el preside. Sánchez considera que a dereita abraza ideas reaccionarias por medo a perder votantes e pediu que as forzas progresistas se manteñan firmes na defensa da democracia.

O líder socialista tamén criticou a certas elites que "promoven a antipolítica" como un medio para implementar unha axenda reaccionaria que debilita o Estado de benestar.

Ademais, Sánchez contrastou esta visión coa experiencia española do últimos sete anos e destacou que "é capaz de cear emprego protexendo os dereitos laborais" e manter un crecemento económico nidiamente superior ao da media dos países da Eurozona.