Os pensionistas galegos que cobran menos recibirán o próximo ano un complemento de 220 euros

Os pensionistas galegos que cobran menos recibirán o próximo ano un complemento de 220 euros, un 5 % máis que este ano. Os 38.000 maiores con pensións non contributivas recibirán esta axuda da Xunta de forma automática, sen necesidade de solicitala. 

Será unha paga única que se actualiza por primeira vez despois de dez anos. A previsión é que se poida cobrar antes de que remate este mesmo ano, coincidindo co Nadal. Os perceptores recibirán unha transferencia bancaria por importe de 220 euros. Galicia é unha das poucas comunidades que mantén este complemento para as pensións máis baixas.