Otero Lastres, galego no Real Madrid: "Aspas puido estar aquí, como estivo fichado Fran"

Por Zona mixta pasou un galego na directiva do Real Madrid, Xosé Manuel Otero Lastres, natural de Cee, para falarnos do Celta, do Real Madrid, de pasado e de presente e dos segredos internos do funcionamento dun club grande como é o branco.

Recoñeceu que desexará a mellor das sortes ao Celta este ano, pero tras este partido:

"Non podo influír en que non leven a Benzemá ou Lucas a Balaídos, eu non mando nada niso"

A profesionalidade nos grandes clubs

“O salto importantísimo que pegou o Real Madrid con Florentino Pérez foi a profesionalización, cun equipo que dirixe o club como se fose unha grande empresa”

“Estar con Florentino nunha xunta directiva é estar amparado por un dos empresarios máis importantes de España, é como ir en patinete”

“A directiva do Celta é espectacular. Carlos Mouriño é un luxo para o fútbol galego, é deses homes que hai que coidar”

Críticas ao Barcelona

"O Barça fixo unha xestión malísima, pero non podes ter deprimidos os xogadores e tes que ir xerando ilusión. Vexo dificilísimo que poida fichar xogadores que non veñan sen custo e aprazando os seus salarios”

Aspas puido ser madridista

"Iago empezou unha carreira fulgurante e marchou ao estranxeiro, pero sempre rendeu máis na terra, no seu Vigo"

“Cando empezaba, Aspas chamou a atención do Real Madrid pero cando marchou ao estranxeiro o Real Madrid xa non interferiu máis. Por suposto que puido vir ao Madrid, como no seu día estivo fichado Fran”