Papa Noel recolle as peticións da rapazada de Ourense

Aínda quedan uns días para que Papa Noel visite todos os fogares galegos e deixe os seus agasallos pero esta tarde xa o puidemos ver por Ourense preparando esa noite tan especial. 

Difícil aguantar a ringleira sabendo quen os agarda. Carta en man acoden ao seu encontro con Papa Noel para facerlle chegar os seus desexos para este Nadal.

Ata os que non saben camiñar aínda acoden a cita. Tras a pregunta de rigor "Portácheste ben este ano?", chegan as peticións: dende tecnoloxía a xogos de mesa.

Seguirá recibindo aos máis pequenos ata o propio día de Noiteboa no poboado de Nadal instalado na praza Bispo Cesáreo.