Patricia Guasp e Edmundo Bal disputan a presidencia de Ciudadanos

Os militantes de Ciudadanos deciden entre este mércores e mañá xoves quen será a súa nova dirección laranxa, nunhas primarias moi disputadas entre os proxectos enfrontados de Inés Arrimadas, que apoia a candidatura oficialista, e a alternativa de Edmundo Bal, á parte dunha terceira lista sen caras coñecidas.

Son 7.642 afiliados os que poden exercer o dereito a voto a partir das nove da mañá de hoxe e ata as seis da tarde do xoves, nunha votación que se realizará vía telemática e cuxo reconto estará supervisado por interventores das tres listas.

O novo liderado de Ciudadanos, que ten a tarefa de tentar reflotar o partido neste ano electoral e tranquilizar unha formación moi prexudicada polo pulso entre Arrimadas e Bal, coñecerase antes da Asamblea de refundación que a formación celebrará a fin de semana en Madrid.