Caos no aeroporto de Heathrow, o de máis tránsito de Europa

O tráfico aéreo de todo o mundo está vivindo un día complicado. O aeroporto londinense de Heathrow, o segundo con máis tráfico do mundo, vive este venres unha xornada de caos tralo incendio dunha subestación eléctrica situada na localidade británica de Hayes que dá subministración á terminal. O lume provocou un corte de enerxía significativo que obrigou a pechar por completo as instalacións aéreas ata esta medianoite.

"Debido a un incendio nunha subestación eléctrica que abastece o aeroporto, Heathrow está a experimentar un corte de enerxía significativo", aseguran nun comunicado. "Para garantir a seguridade dos nosos pasaxeiros e compañeiros, Heathrow permanecerá pechado ata as 23:59 horas do 21 de marzo".

Estímase que uns 1.350 voos que debían operar desde o aeroporto londiniense serán este venres cancelados ou desviados, o que podería afectar a máis de 200.000 pasaxeiros.

O incendio pillou a pasaxeiros e traballadores por sorpresa. Algúns tiveron que usar as lanternas dos teléfonos para moverse. Hai sistemas de enerxía alternativos e de emerxencia, pero tardan e arrincar e non solventan todo o problema.

 É a primeira vez en quince anos cancela operacións. Investigan se o lume puido ser unha sabotaxe de Rusia. De momento, non haberá nin chegadas nin saídas de voos desde Heathrow durante horas. Os pasaxeiros terán que esperar.

O lume na instalación eléctrica deixou milleiros de casas sen luz en Londres e obrigou a pechar varios colexios. Centos de veciños foron desaloxados. As autoridades están pedindo que ninguén se achegue ao aeroporto.

Os trens que unen a cidade con Heathrow están cancelados tamén. Hai outros dous aeroportos en Londres, pero non poden acoller toda a actividade de Heathrow. Noventa aeroliñas de oitenta países operan aquí. De momento, toda a actividade está cancelada.

La Policía antiterrorista asume a investigación do incendio que paralizou Heathrow

A unidade antiterrorista da Policía Metropolitana de Londres (Met) asumiu a dirección da investigación do incendio que provocou o peche total do aeropuerto de Heathrow, o de maior tráfico de pasaxeiros de Europa.

Pese a que polo momento non existen indicios que apunten a unha sabotaxe da subestación eléctrica, un portavoz da Met sinalou nun comunicado que a Policía "mantén todas as hipótesis abertas".

"Estamos traballando coa Brigada de Bombeiros de Londres para establecer a causa do lume. Aínda que polo de agora non hai indicios de delito, mantemos a mente aberta".

O lume está xa baixo control

O incendio desatado este venres de madrugada na subestación eléctrica que subministra enerxía a Heathrow está xa baixo control, aínda que o l 10 % da superficie da subestación continúa aínda afectada polas lapas, segundo o subcomisario do corpo de bombeiros de Londres.

Arredor de 70 bombeiros traballaron sen descanso desde a madrugada para tentar combater este lume incendio. "Grazas aos seus esforzos e a unha resposta coordinada por varias axencias, o incendio contívose con éxito e evitouse que se propague", confirman os responsables do corpo de bombeiros.

As lapas deixaron sen luz uns 67.000 hogares. Deles, 5.000 vivendas seguen aínda sen subministración eléctrica. Aínda que "Continúa habendo fume, non hai ningún problema coa calidad do aire", sinalan.

Os axentes rescataron 29 persoas que residen en inmobles próximos e evacuaron outras 150 tras establecer un cordón de seguridade de 200 metros. O Servizo de Ambulancias de Londres, confirmou non foi necesario atender ningunha persoa da zona afectada polo lume.

Un "evento sen precedentes" que afecta a 1.350 voos 

O ministro británico de Enerxía Ed Miliband cualificou este venres de evento sen precedentes o incendio desatado nunha subestación eléctrica no oeste de Londres que forzou o peche do aeroporto de Heathrow e provocou o caos no transporte aéreo.

Estímase que uns 1.350 voos que debían operar desde o aeroporto londiniense serán cancelados ou desviados, o que podería afectar a máis de 200.000 pasaxeiros.

O ocorrido arruinou os plans a milleiros de persoas quedaron tiradas na terminal, sorprendidos aínda polo incidente.

O alcalde de Londres, o laborista Sadiq Khan, pídelle aos cidadáns "non desprazarse baixo ningunha circunstancia" ao aeroporto.

"Sei que isto será moi frustrante para as miles de persoas que pensaban viaxar hoxe;, para as familias que se quedaron sen electricidade e para os pasaxeiros que viron interrompidos as súas viaxes", afirman nunha nota.

O ministro británico de Enerxía sinala que é demasiado pronto para dicir que ocasionou o lume, aínda que recoñeceu que o Executivo terá que "mirar ben as causas e a protección e a resiliencia en vigor en institucións importantes como Heathrow".

O aeroporto londiniense de Heathrow é o de máis tránsito de Europa. Por el pasan ao ano case 84 millóns de pasaxeiros. O seu peche total este venres provocou unha caos de grandes dimensións e afectou ao tráfico aéreo de medio mundo. A terminal está conectada con 200 destinos situados en 90 países diferentes.

Afectadas 54 operacións con España

O peche total do Aeroporto de Heathrow-Londres afecta a 54 voos en España, dos cales 28 traxectos xa foron cancelados en Madrid, Barcelona e Málaga con orixe ou destino á capital británica.

En total, a rede española de Aena tiña previstas 54 operacións co Aeroporto de Heathrow: 29 en Madrid, 19 en Barcelona, dous en Málaga, dous en Tenerife Sur e dous en Valencia. Ante o peche de Heathrow, o xestor aeroportuario anima aos afectados consulten o estado do seu voo coa súa compañía aérea.

No caso de Iberia, pronunciouse en 'X' sinalando que se viu obrigada a cancelar os primeiros voos da mañá con orixe ou destino Londres. Así, os pasaxeiros afectados están a ser contactados vía SMS e correo electrónico.

Por parte de Vueling, comunicou que os clientes con voos afectados foron notificados por correo electrónico e ofrecéuselles "todas as opcións de asistencia necesarias", que poden xestionar facilmente accedendo á sección 'Xestiona o teu reserva'.

En canto á aerolínea máis afectada polo peche de Heathrow, British Airways, permite reservar nunha data posterior de forma gratuíta para aqueles viaxeiros que ían voar entre hoxe e o 23 de marzo.