Detidos tres homes por roubos en gasolineiras na zona de Ourense

A Garda Civil detivo a tres homes, dous deles veciños de Chantada e outro de Coles, por roubos en gasolineiras en municipios limítrofes coa cidade de Ourense. Nesta operación hai outros tres investigados.

O Equipo Roca da Garda Civil de Ourense culmina a Operación Ventox por un delito de roubo con forza e outros tres delitos continuados de roubo con forza en estacións de servizo.

Os autores desprazábanse en repetidas ocasións desde a capital para violentar as máquinas de boxes de lavado e aspirado de gasolineiras situadas nos municipios de San Cibrao das Viñas e O Pereiro de Aguiar, co que lograron obter un botín de 3.170 euros e danos por valor de 3.050 euros.

Nunha primeira fase da operación, o 3 de marzo logrouse esclarecer un roubo con forza nunha gasolineira de O Piñeiral, en San Cibrao das Viñas, ocorrido o 6 de novembro do 2024, polo que se investigou a dous homes e unha muller.

Un dos homes, atopábase interno no cárcere do Pereiro de Aguiar cumprindo pena por outros feitos, mentres que o outro é un veciño de Sobral, concello de Coles, e unha muller veciña do Carballiño.

Os presuntos autores utilizaron para a comisión do delito unha furgoneta de alugueiro, que contrataron para dous días e apropiáronlla durante un mes sen abonar o importe correspondente.

A segunda fase da operación, desenvolta o pasado 20 de marzo, deu como resultado o esclarecemento de tres delitos continuados de roubo con forza cometidos o día 12 de novembro do 2024: o primeiro de novo na gasolineira O Piñeiral, o segundo nunha estación situada no polígono de San Cibrao das Viñas e o terceiro nunha estación na localidade de Castadón.

De tal forma, procedeuse á detención de tres hombres, dous deles veciños da localidade de Chantada (Lugo) e un terceiro que xa fora investigado na primeira fase veciño de Sobral, en Coles.