Pilar Alegría presentará este sábado a súa candidatura para liderar o PSOE de Aragón
Pilar Alegría presentará este sábado a súa candidatura para liderar o PSOE de Aragón
Collerá o cargo en substitución de Javier Lambán
O acto público terá lugar este sábado ás 11:30 horas no pavillón municipal da súa vila natal, La Zaida, en Zaragoza
Pilar Alegría, ministra de Educación /EP
A ministra de Educación, Formación Profesional e Deporte e portavoz do Goberno, Pilar Alegría anunciará este sábado a súa decisión de optar á secretaría xeral do PSOE de Aragón en substitución de Javier Lambán.
Alegría convocou aos militantes do PSOE de Aragón a un acto público no pavillón municipal da súa vila, La Zaida (Zaragoza), ás 11:30 horas da mañá. Non citou o motivo, pero no seu perfil de X asegurou que "vai ser un día importante". Fontes socialistas confirmaron a EFE que vai anunciar a súa candidatura.
Queridos militantes del PSOE de Aragón:
— Pilar Alegría (@Pilar_Alegria) December 20, 2024
Este sábado, 21 de diciembre, nos vemos a las 11´30 horas en el pabellón municipal de mi pueblo, La Zaida.
Va ser un día importante y lo quiero compartir con vosotras y con vosotros.
¡Os espero!
Segundo o calendario aprobado polo Comité Rexional para o 18º Congreso Rexional do partido, que se celebrará os días 15 e 16 de marzo, a presentación de precandidaturas á secretaría xeral prevese entre o 24 e o 27 de xaneiro.
A xornada de votación dos militantes nestas primarias está prevista para o 16 de febreiro en primeira volta e para o 23 dese mesmo mes no caso de que haxa máis de dous candidatos e ningún obteña o 50 % dos votos válidos.
Aínda está por ver se as federacións do PSOE de Zaragoza e Teruel presentan outro candidato ou candidata máis próximo ás ideas de Lambán, quen mostrou en público en reiteradas ocasións as súas discrepancias co Goberno de España e co seu presidente e secretario xeral do PSOE, Pedro Sánchez.
