Podemos comparte un vídeo que compara a Pedro Sánchez con Santiago Abascal

Aviva as friccións no Goberno de coalición o vídeo que compartiu nas súas redes sociais a secretaria de Organización de Podemos. Lilith Verstrynge compara o presidente do Goberno, Pedro Sánchez, co líder de Vox, Santiago Abascal. Faino á conta da decisión do PSOE de excluír os cans de caza da Lei de benestar animal impulsada polo Ministerio de Dereitos Sociais, do que a propia Verstrynge é secretaria de Estado.