Premian unha app de seguimento de pacientes que ofrece o CHUAC
Premian unha app de seguimento de pacientes que ofrece o CHUAC
Os familiares poden acceder ao estado do paciente que se atopa en urxencias
Seguir en tempo real e desde o móbil a evolución dun familiar que permanece en urxencias. É o servizo que presta o Complexo Hospitalario da Coruña e que acaba de ser recoñecido cun galardón á excelencia na xestión sanitaria.
Cando un paciente entra nas urxencias no complexo hospitalario da Coruña, recibe un código QR ao que pode acceder a través dos caixeiros do hospital e tamén se pode acceder co teléfono móbil.
Trátase dunha ferramenta semellante á que xa utilizaban a nivel interno os profesionais das urxencias, agora a disposición de pacientes e familiares. As familias que agardan novas poden obtelas, incluso desde a casa, o que reduce a angustia da espera.
Un servizo que acadou o premio IESE-Novartis á excelencia na xestión sanitaria na edición deste ano.
