Primeiras medidas defensivas, por Venancio Salcines

O Goberno de España foi quen de actuar coa máxima celeridade para crear dous paquetes de axudas. O primeiro é defensivo e de axuda inmediata, e está en liña con axudas anteriores; refírome o sistema de avais. Está pensado para facilitar a necesidade de circulante, esencialmente ante a eventualidade de cortes secos no proceso de comercialización nos EUA. Aínda que isto é posible, penso que non veremos ningún shock, mais ben unha perda paulatina dun mercado que nunca foi sinxelo.

A segunda medida é para a reconversión da capacidade produtiva, importante, pero non creo que sexa o que vaia sufrir o sector. Máis ben observo unha necesidade de apoio a busca acelerada de novos mercados. E neste eido temos un importe que non é menor, 500 millóns, pero está pendente o Plan ICEX de relanzamento. E neste última liña creo que terá que ir o futuro, impulsar a nosa industria máis afectada en novos mercados. E dado que unha boa parte esta vencellada a agroindustria, tampouco deberiamos descartar impulsar a marca España. E se nalgún momento tomamos esa decisión, non debemos esquecer que esa tarefa debe ir acompañada por una política exterior máis agresiva e ambiciosa que a actual.