Abre Moexmu, co único concurso de gando frisón que sobrevive na provincia de Lugo

Un enorme tractor último modelo ou unha cuba de xurro de 25.000 litros son as maiores atraccións deste ano na exposición de maquinaria agrogandeira de Moexmu, que xa recibiu este venres as primeiras visitas.

Miguel Yáñez, vendedor de maquinaria agrícola cóntanos os detalles do tractor con 340 cabalos, intelixente, con GPS e todas as últimas tecnoloxías. Entre o tractor e a cuba andan polos 400.000 euros.

As máquinas compiten en atención e beleza coas 132 cabezas de gando presentes para o concurso e a poxa de frisón e mais as rubias de exposición. No interior afánanse os preparadores para telas listas para a subhasta. Vai haber once novelas, todas arredor dos 24 meses, que se han vender entre os 2.400 e os 3.500 euros.

41 edicións van desta feira na que a Conselleira do Medio Rural se sente, dixo, como na casa xa que veu en anos anteriores como gandeira. Para Gómez, Moexmu é un exemplo cooperativo dos veciños e do concello de Cospeito.

Queda por diante toda unha fin de semana de Moexmu que pode presumir de manter o único concurso de gando frisón que sobrevive na provincia de Lugo.